GURITAN                                                                             Dening : Heni Mujiati

NALIKA GRIMISE TEKA

Nalika grimise wis teka

Nelesi laladan kang  bawera

 Diajab bisa mbanyoni sawah kang katon telane

Murih bisa ana pametune

Kanggo nyukupi sandhang pangan kaluwarga

Nalika grimise wis teka

Nelesi  dalan-dalan ing  kutha

Diajab ora bakal dadi  udan deres

Kang marakake ati kekes lan pepes

Merga bakal ndadekake  wong-wong padha apes.

                                                                                                Dawarblandong, 4 Februari 2014