Guritan

WIS KUMLEBAT

Genderane wis kumlebat

Katon ngawe-awe katerak samirana

Abang ijo biru kuning uga putih

Kari milih endi sing edi

Peni kanggo sing lagi ngegar-egar ati

Dene manut sing lagi lara ati

Dadi sesawangan kang nyumpek-nyumpeki

Genderane wis kumlebat

Klebat-klebat nggawa amanat

Kanggo mulyakake awakira

Luwih-luwih awak mami

Kang dadi sejatine lampah

Genderane wis kumlebat

Kumlebat tumeka awiyat

Mangga sedulur sami aniyat

Amilah-amilih, endi sing bisa ngrumat lan kinurmat.

(Gedeg mojokerto,26 Februari 2019)

guritanpasinan