GURITAN - WIS

GURITAN

WIS

Mesema aja mrenggut wae!

Mundhak gelis tuwa

Wis ,menenga aja nangis wae

Mundhak sesek jajanira

 Anthenga aja polah wae

Mundhak lungkrah angganira

Wis, lerena aja mlaku wae

Mundhak kesel sukunira

WIS....

Sirepa aja rame wae !

Mundhak  swaramu mbrebegi kuping

Tobata, aja nggawe dur angkara wae

 Mundhak ilang amal ira

Kabusek tetesing luh-luhing kawula alit

Kang tan kendhat ngupadi

Amrih mulyaning urip.